کربلا فاجعَه سی1

کربلا فاجعَه سی

کاش عالم اولمییدی، اولمییدی کربلا ورمییدی اوُز حسینه یومِ شومِ پُر بلا

کاش دعوت اتمییدی اهل کوفه، کوفیه تا حسینه اَل تاپا دشمن اِدَه جور و جفا

ایستیه تا کوفیه گِتسون حسینِ تشنه لب کوفیه گتماخ یولون دشمن اُو چولده باغلیا

گَر یِتیشسیدی حسینه مسلمین تِز نامه سی کوفه اهلیندَه بولَردی ذره ای یُخدور وفا

کوفه اهلی دُغریا بیر بیر اُنون اوغلادنی اصغرِ شش ماهَ سیندَه بیوفا لَر اُخلیا

اِیلیه ظلم و ستم تک تک اُنون اصحابنه قاسم اُول قارداش بالاسون اشقیا لَر دُغریا

باغلیا سوُ یُولّارون دشمن علی اولادنه بیر ایچیم سو ایشماقا قوم ستمگر قُویمیا

اُولماسیدی گَر بو عالم، اُولماسیدی نِینوا قُوللاری دوشمَزدی عباسون اُوچولدَه، اُولماسیدی کربلا

حَدّن آرتوخ ایلیه ظلم و ستم دشمن اونا هم سو سوز اطفالنی قوم ستمگر ساخلیا

اُولدوروب دشمن اُنون یکسر تمام اَعواننی تک قالوب دشمن اَلینده دورَسینده اشقیا

تا دوشوب آتدان یِرَه بی کس حسین تشنه لب دوره سین آلموش اُنون اُلدورماقا قوم دَغا

شِمر ذی الجوشن اَلنده خنجرِ پُر کینه سی کَسماغا باشین حسینین فَخر اِدور بی انتها

بیر طرفدَه خیمه گاههَ حمله اِیلَر اشقیا تا آپارسونلار غنیمت، خیمه لَر دَه اُتلانا

زینب نالان یگار اطرافنه اطفالنی آه و واویلا سَسی هردم اُو چُولدَه قُوزانا

عترت پیغمبری شامَه اسیر ایتماق اوچون قُول لاری زنجیرله دشمن اَلینده باغلانا

قان تُوکر زینب گُوزوندن هانسی سمته گر باخا آت چاپار دشمن اُو چُولده تا که زینب آغلیا

اصغری یازما داخی بَس دور که عالم اُوتلانار

سَن بو شعریله امامِ عصر قلبین داغلاما