کربلا فاجعَه سی
هلال ماهه دیدیم قامتون نیه خم دور بیر آه چکدی دیدی بولموسن محرم دور
بو آیدا کرب و بلا واردی هم ده عاشورا نظیری اولمیوب ، اولماز بوسوز مسلم دور
گیدیردی کوفیه مهمان عزیز پیغمبر قالیردی کوفیه گورموش که آیری عالم دور
تمام دعوت ایدنلر کسوب اونون یولونی حسیندن آلا بیعت یزیده معلوم دور
حسینه روشندور کربلا چولونده بوسوز که دشمنی اونا نسبت نه قدر ظالم دور
محالدور ایده بیعت حسین او ملعونه زمان ظلم ده گورموش جهاد لازم دور
نصیحت اتیدی عمرسعده ، هم قوشونا دین حسین منم ، من حسین جدم دور
آتام علی دور ، آنام فاطمه او بنت نبی همان که سوره کوثر بولون نشانم دور
نه قدروعظ ونصیحت ایدوب حسین اولارا حسین قتلنه گوردی اولار مسمم دور
آچیلدی چونکه سحر اولدی صبح عاشورا اوگون حسینه بولون روز محنت و غم دور
اوقدر ظلم و ستم ایلیوب اونا دشمن که جور به جور ستمه دشمنی فراهم دور
منای عشقده تک تک تمامی قورباندور خضاب اولان قانلان اکبر جوانم دور
وفالی قارداشمون یوخ قولی اولبدو قلم بو پیکرنده اولان مین یاراسی قاسم دور
بو اوخلانان بوغازی اصغریم دی منیم بودورگناهی اونون چون منیم صغیریم دور
باشون توتوپ گویه عرض ایلیوب حسین بله سنون رضایتون الله ، منیم مرادیم دور
حسین سالدلار آتدان یره او ملعونلار بیری دیور بیرینه ایندی وقت انعام دور
گلیبدی شمر بد اختر حسین ذبح ایدسون مقام تا باغ اوچون چوخلی چون مقاوم دور
بیر عده سی ایلیری حمله خیمه گاهه طرف دوشوبدی فرصت اله نوبت غنائم دور
بیر آیری عده سدی اوت وروبدی خیمه لره دیدیم زمانیه لعنت نجه بوماتم دور
گلیب زمان اسارت بوهانسی وجداندور که زینبون بیلی غم دن چوماه نو خم دور
تمام ایله سوزوی اصغری داخی بسدور
که زینبون غمی هر محنته مقدم دور